Դեկտեմբերի 9. համատեղ հայտարարություն

Submitted by A.Yeghiazaryan on Tue, 12/08/2015 - 21:38
Armenian

ՄԱԿ-ը դեկտեմբերի 9-ն այսուհետ նշելու է որպես Ցեղասպանության հանցագործության զոհերի հիշատակի ու արժանապատվության եւ այդ հանցագործության կանխարգելման միջազգային օր։ Ոգեկոչելով ցեղասպանության զոհերին՝ մենք միանում ենք ՄԱԿ-ին եւ համատեղ պատասխանատվություն ստանձնում նման ոճրի կանխարգելման գործում։  

Ամեն տարի այս օրը մենք ընդգծելու ենք միջազգային հանրության հավաքական պարտականությունը եւ, հանուն տառապյալների արժանապատվության վերականգնման, կոչ ենք անելու ավելի հաշվետու եւ նախաձեռնող լինել։

Դեկտեմբերի 9-ը, լինելով 1948թ. ՄԱԿ-ի կողմից ընդունված «Ցեղասպանության հանցագործության կանխարգելման եւ պատժի մասին» կոնվենցիայի տարեդարձի օրը, այսուհետ հիշեցնելու է աշխարհին, որ գործն անավարտ է։ Հանուն սոսկալի ոճրից տուժած միլիոնավոր մարդկանց, սա չպետք է մոռացվի։

Մենք մեր ձայնն ենք բարձրացնում բոլոր նրանց համար, ովքեր այսօր կանգնած են սպառնալիքի առջեւ:
 

Weight: 
-130
Article items: 

Image: 
Related news: 
Եզդի ժողովրդի աղետը
Սրբերից սերող
100 LIVES-ն օգնում է Նեպալին
Display type: 
Big
Subtitle: 
Շատերը զրկվեցին կյանքից, բայց երբե՛ք չեն զրկվի ձայնից