ՍՅՈՒ ՍԱՐԱՖՅԱՆ ՋԵԼ. սպա
Սյու Սարաֆյան Ջելը շքանշանակիր սպա էր Միացյալ Նահանգների Կանանց օժանդակ բանակային կորպուսում (հետագայում՝ Կանանց բանակային կորպուս, WAC)։ Երկրորդ համաշխարհային պատերազմի տարիներին եղել է Միացյալ Ուժերի Գերագույն հրամանատար Դվայթ Էյզենհաուերի երեք օգնականներից մեկը։
Ծագումը
Ծնվել է 1917 թ., Մասաչուսեթսում, Խարբերդի Քղի ավանից ներգաղթած հայազգի ծնողների ընտանիքում։ Մեծացել է Միչիգան նահանգի Դետրոյթ քաղաքում և եղել Հայկական Երիտասարդաց Դաշնակցության տեղի մասնաճյուղի անդամ։
Ճանաչված է
Եղել է Կանանց օժանդակ բանակային կորպուսի երևելի անդամներից մեկը, մասնակցել է Էյզենհաուերի նախաձեռնությանը՝ ուղղված զինված ուժերում կանանց ծառայելու կարողությունն ապացուցելուն։ Պատերազմական բեկումնային գործողությունների ժամանակ՝ ներառյալ Իտալիայի պարտությունը և ներխուժումը Նորմանդիա, գործել է Էյզենհաուերի հետ կողք-կողքի։ Հետագայում գրի է առել վերջինիս հուշերը։
Պատերազմում նա զգալի դեր է ունեցել դեպի զինված ուժեր կանանց ուղին հարթելու գործում։
Նշանավոր մտքեր
-Կանանց օժանդակ բանակային կորպուսը կանանց համար ուղի հարթեց դեպի զինված ուժեր։
Այլոց խոսքով
«Ամերիկյան զինված ուժերում քչերը կային, որ Սյու Սարաֆյան Ջելի պես քաջատեղյակ էին հրամանատար Դվայթ Էյզենհաուերի խոհերին և տրամադրությանը Երկրորդ համաշխարհայինի տարիներին», – ասել է Օրլանդո Սենթինել:
