Բորիս Բաբայան. գերհամակարգչի առաջատար մասնագետ
«Ես բացարձակապես վստահ եմ, որ եղել եմ առաջինը (համակարգչային ոլորտի ուսանող) Ռուսաստանում, բայց հետաքրքիր է՝ մինչեւ 1951թ. աշխարհում որեւէ այլ տեղ դա ընգրկված եղե՞լ է համալսարանական դասընթացում»
Չնայած բոլորիս տներում գերհամակարգիչներ դեռեւս չկան, դրանք մեր օրերում բավականին մեծ տարածում ունեն եւ կիրառվում են կառավարությունների եւ մասնավոր ընկերությունների կողմից՝ ծառայելով ռազմական ոլորտից մինչեւ էներգաբաշխիչ համակարգերի խնդիրներին։ Միշտ չէ, սակայն, որ դա այդպես է եղել, եւ արդիականության ուղին հարթելու գործում խոշոր ներդրում ունեցած մասնագետներից մեկն էլ Բորիս Բաբայանն է։ Նա գերհամակարգիչների ոլորտի առաջին եւ առաջատար մասնագետներից է եւ լուրջ դերակատարում է ունեցել Խորհրդային Միությունում դրանց ստեղծման եւ զարգացման գործում։
Ծնված լինելով Բաքվում՝ Բաբայանն աշխատել է առաջին Էլբրուս գերհամակարգիչներն ստեղծող թիմերի կազմում։ Խորհրդային Միությունում դրանք կիրառվում էին միջուկային եւ տիեզերական ծրագրերում։ Բորիս Բաբայանին ժամանակին ընդունում էին որպես Սիմուր Քրեյի (Seymour Cray)՝ ամերիկյան գերհամակարգիչներ ծրագրավորողի խորհրդային համարժեքը։
Բաբայանն այժմ Intel ընկերության Ծրագրերի եւ ծրագրային լուծումների նախագծման բաժնի ղեկավարն է։ Նա երկրորդ եվրոպացին էր եւ Արեւմտային Եվրոպայից դուրս առաջին մարդը, որ ստացել է Intel Fellow կոչում։
