Submitted by A.Yeghiazaryan on Fri, 03/13/2015 - 13:34
Սերժ Թանկյանն աշխարհահռչակ գերաստղ է՝ բոլոր առումներով։ Ամերիկահայ System of a Down ռոք խմբի առաջատար մեներգիչը ոգեշնչում է հայ երիտասարդների մի ամբողջ սերնդի և աշխարհին ներկայացնում հայերին ու հայության խնդիրները:
Ծագումը
Թանկյանը 20-րդ դարի հայկական սփյուռքի տիպիկ ներկայացուցիչ է․ ծնվել է 1967թ․Բեյրութում, սակայն մեծացել է Լոս Անջելեսում՝ պատանի հասակում հաճախելով հայկական դպրոց։ Չնայած ապրել ու կայացել է հայրենիքից հեռու՝ ԱՄՆ-ում, նա իր ընտանիքի և հասարակական ակտիվության շնորհիվ շարունակում է ամուր կապված մնալ արմատներին։
Submitted by A.Yeghiazaryan on Fri, 03/13/2015 - 13:29
Արամ Խաչատրյանը XX դարի խոշորագույն կոմպոզիտորներից է։ Նրա երաժշտությունը նվաճել է ոչ միայն Խորհրդային Միությունը, այլ ամբողջ աշխարհը։ Նա կարողացել է հայ ժողովրդական երաժշտությունը վարպետորեն միահյուսել իր կոմպոզիցիաներին։
Submitted by A.Yeghiazaryan on Fri, 03/13/2015 - 13:17
Տիգրան Պետրոսյանը կամ ինչպես նրան կոչում էին՝ «Երկաթե Տիգրանը», պաշտպանական բացառիկ ոճով հայտնի մեծանուն շախմատիստ էր և աշխարհի կրկնակի չեմպիոն (1963 և 1966 թվականներին)։ Հայտնի է դարձել ոչ թե ցուցադրական, այլ համբերատար և մեթոդոլոգիայով խաղի շնորհիվ։ Լինելով պատմության մեջ ազգությամբ հայ առաջին աշխարհի չեմպիոնը՝ նա հսկայական դեր է կատարել Հայաստանում շախմատի հանրայնացման գործում։
Submitted by A.Yeghiazaryan on Fri, 03/13/2015 - 13:12
Ջորջ Դոքմեջյանը եղել է Կալիֆորնիայի առաջին հայազգի նահանգապետը՝ պաշտոնավարելով 1983-1991 թվականներին։ Նա անողոք դիրք էր որդեգրել հանցավորության և մարդու իրավունքների խախտումների հանդեպ։ Լինելով մարդու իրավունքների ջատագով՝ նա Ապարտեիդի (ռասայական խտրականություն) դեմ ծավալվող շարժմանն օգնելու նպատակով նույնիսկ սառեցրեց Կալիֆորնիայի ներդրումները Հարավային Աֆրիկայում։ Ջորջ Բուշի նախագահական մրցավազքի ընթացքում եղել է փոխնախագահության հնարավոր թեկնածու, բայց նրա թեկնածությունն ի վերջո մերժվել է։
Submitted by A.Yeghiazaryan on Fri, 03/13/2015 - 13:00
Աննա Կազանջյան Լանգոբարդոն Միացյալ Նահանգներում ճարտարագիտության ոլորտի առաջին կին ներկայացուցիչն էր։
Ծագումը
Լոնգոբարդոն ծնվել է 1928թ., Նյու Յորք քաղաքում։ Նրա հայրը հալեպահայ ներգաղթյալ էր: Մայրը՝ Կոստանդնուպոլսից էր (Թուրքիա), նրա ընտանիքը վերապրել էր Հայոց ցեղասպանությունը եւ հասել ԱՄՆ Առաջին համաշխարհային պատերազմից հետո: Մոր օրիորդական ազգանունը Յազեջյան է, իսկ նրա մեծ քեռին հայտնի վարժապետ եւ առաջնորդ հայկ Խոջասարյանն է (երբեմն հիշատակվում է Հոջասարյան)։
Submitted by A.Yeghiazaryan on Fri, 03/13/2015 - 12:54
Վիկտոր Համբարձումյանն աշխարհահռչակ աստղաֆիզիկոս էր և տեսական աստղաֆիզիկայի հիմնադիրներից մեկը։ Նրա հայտնագործություններն ու տեսությունները պատկանում էին այդ բուռն զարգացող ոլորտի ամենաառաջատար գաղափարների թվին։
Ծագումը
Վիկտոր Համբարձումյանը ծնվել է 1908 թ., Թիֆլիսում (այժմյան Թբիլիսին՝ Վրաստանի մայրաքաղաքը), ապա մեկնել է Լենինգրադ (այժմ՝ Սանկտ-Պետերբուրգ) ուսանելու։
Submitted by A.Yeghiazaryan on Fri, 03/13/2015 - 12:47
Աբրահամ և Արտեմ Ալիխանյան եղբայրները (Աբրահամն առավելապես հայտնի էր Ալիխանով ազգանվամբ) հայտնի գիտնականներ էին միջուկային ֆիզիկայի ոլորտում։ Նրանց հայտնագործություններն ու ձեռնարկումները մեծապես նպաստել են միջուկային ֆիզիկայի զարգացմանը։
Ծագումը
Ալիխանյանները ծնվել են Թիֆլիսում (ներկայիս Թբիլիսին՝ Վրաստանի մայրաքաղաքը), Ռուսական կայսրության տարիներին։
Submitted by A.Yeghiazaryan on Fri, 03/13/2015 - 12:16
Դեյմ Սայան Սրբուհի Իլայասը Նոր Զելանդիայի Գերագույն դատարանի նախագահն է։
Ծագումը
Իլայասը ծնվել է 1949 թվականին, Մեծ Բրիտանիայում։ Նրա հայրը հայ փախստականների զավակ էր։
Ճանաչված է
Նոր Զելանդիայի առաջին կին Գերագույն դատավոր։ Արքայական փաստաբանի (Queen’s Counsel) պաշտոնում ընտրված առաջին երկու կանանցից մեկը։ Տեղաբնիկ մաորի ժողովրդի իրավունքների պաշտպանության ջերմեռանդ կողմնակից։
Submitted by A.Yeghiazaryan on Fri, 03/13/2015 - 12:09
Վիլյամ Սարոյանը XX դարի առաջին կեսի ամերիկյան ամենահեղինակավոր գրողներից է։ Նա ներկայացնում է գյուղական Ամերիկայի դժվարություններն ու վայելքները՝ Կալիֆորնիայի Կենտրոնական հովտի գյուղերի օրինակով: Արժանացել է Պուլիցերյան, Օսկար և Նյու Յորքի Դրամայի Քննադատների Ակումբի մրցանակներին:
Ծագումը
Սարոյանը ծնվել է 1908 թ. Ֆրեզնոյում։ Նրա ծնողները 1915թ. Հայոց Ցեղասպանությունից առաջ Բիթլիսից տեղափոխվել էին Միացյալ Նահանգներ։ Հայրը երիտասարդ տարիքում մահացել է և Սարոյանն իր եղբոր ու քրոջ հետ ստիպված է եղել ապրել որբանոցում։ Տարիներ անց նոր վերամիավորվել են մոր հետ։
Submitted by A.Yeghiazaryan on Fri, 03/13/2015 - 11:51
Յուսուֆ Քարշը կանադահայ մեծանուն լուսանկարիչ էր, որի տաղանդն ու ինքնատիպ ոճը հնարավորություն տվեցին նրան դառնալու 20-րդ դարի ամենանշանավոր անհատներից և առաջնորդներից շատերի լավագույն դիմանկարների հեղինակը։
Ծագումը
Յուսուֆ Քարշը (իսկական անունը՝ Հովսեփ Քարշյան) ծնվել է 1908 թ., Արևմտյան Հայաստանի Մարդին քաղաքում։ Լինելով Ցեղասպանության ականատես՝ նա պատմել է. «Ես տեսա իմ հարազատների սպանությունը. քույրս սովամահ եղավ, երբ մեզ գյուղից գյուղ էին քշում»։ [1]
