Submitted by A.Yeghiazaryan on Sat, 04/18/2015 - 17:15
Արգենտինահայ ձեռներեց Էդուարդո Էռնեկյանը Հարավային Ամերիկայի ամենահարուստ մարդկանցից է։ Նրա Corporación América ընկերությունը զբաղվում է օդանավակայանների տնօրինությամբ, ենթակառուցվածքային, գյուղատնտեսական, էներգետիկ, առեւտրային եւ բանկային գործունեությամբ։
Ծագումը
Էդուարդո Էռնեկյանը ծնվել եւ մեծացել է Արգենտինայում, հայ գաղթականների ընտանիքում։
Submitted by A.Yeghiazaryan on Sat, 04/18/2015 - 17:06
Հովնանյան չորս եղբայրները՝ Ժիրայրը, Գեւորգը, Հրայրն ու Վահագնը, բնակարանաշինության ոլորտի կարեւորագույն ներկայացուցիչներից են աշխարհում։ 1959 թ. նրանք համատեղ հիմնադրել են «Հովնանյան եղբայրներ» կորպորացիան (Hovnanian Brothers Corp.), ապա՝ առանձնացել եւ յուրաքանչյուրը կազմակերպել սեփական ընկերությունը։ Միացյալ Նահանգներից մինչեւ Հայաստան Հովնանյան եղբայրների անունն ընկալվում է իբրեւ բարձրորակ տան հոմանիշ։
Submitted by A.Yeghiazaryan on Sat, 04/18/2015 - 17:04
Ամերիկահայ Ջերարդ Գաֆէսճեանը հրատարակչության ոլորտի հաջողակ գործարար էր։ Թոշակի անցնելով՝ զբաղվել է բարեգործությամբ՝ իր ուշադրությունը կենտրոնացնելով Հայաստանի վրա։
Ծագումը
Գաֆէսճեանը Հայոց ցեղասպանությունից փրկված եւ Միացյալ Նահանգներում հաստատված հայազգի ծնողների զավակ է։ Ծնվել է 1925թ. ապրիլի 26-ին, Նյու Յորք քաղաքի Բրուքլին արվարձանի Բենսոնհըրսթ թաղամասում։
Submitted by A.Yeghiazaryan on Sat, 04/18/2015 - 16:25
Քեն Խաչիկյանը, ում նաեւ անվանում են «Կալիֆորնիայի Հանրապետական կուսակցության առյուծ», քաղաքական ռազմավարության մասնագետ է, ով իբրեւ գլխավոր խորհրդատու ընդգրկված է եղել նախագահական ինն ընտրարշավներում։ Աշխատել է նախագահ Ռոնալդ Ռեյգանի գրասենյակում, եղել է նրա ելույթների հեղինակը (speechwriter)։
Submitted by A.Yeghiazaryan on Sat, 04/18/2015 - 14:21
Արթուրո Սարուխանը եղել է Մեքսիկայի դեսպանը Միացյալ Նահանգներում։ Ներկայումս աշխատում է Բրուքինգս ինստիտուտում (Brookings Institute)։ Հարավային Կալիֆորնիայի համալսարանի հրավիրված պրոֆեսոր է։
Ծագումը
Սարուխանը ծնվել է Մեխիկոյում՝ Մեքսիկայի մայրաքաղաքում։ Նախնիներն արմատներով Ռուսաստանից են, այնտեղ է ծնվել նրա պապը՝ Արթուր Սարուխանյանը։ Հորական տատը փրկվել է Հայոց ցեղասպանությունից՝ փախչելով Հունաստան, ապա՝ Վենետիկ (Իտալիա), որտեղ էլ հանդիպել է Սարուխանի պապին։ Արթուրոն հորական կողմից հայ է, իսկ մորական կողմից՝ իսպանացի եւ կատալունացի։
Submitted by A.Yeghiazaryan on Sat, 04/18/2015 - 13:16
Ալբերտ Պողոսյանը (Boghossian) ոսկերչական արվեստի հռչակավոր ներկայացուցիչ է։ Նա գործարարից կամ արվեստագետից ավելի լայն մոտեցում է ցուցաբերում զարդագործությանը։ Եվ այդ երկու ասպարեզներում էլ ունեցած հաջողությունների շնորհիվ նա եւ իր ընտանիքը Boghossian Foundation-ի միջոցով մասնակից են դարձել բազմաթիվ բարեգործական նախաձեռնությունների, որոնցից շատերը վերաբերում են Հայաստանին։
Ծագումը
Ծնված լինելով Լիբանանում՝ Պողոսյանը Լիբանանի քաղաքացիական պատերազմի տարիներին ընտանիքով տեղափոխվել է Արեւմտյան Եվրոպա՝ հաստատվելով նախ Բելգիայում, ապա՝ Շվեյցարիայում։
Submitted by A.Yeghiazaryan on Sat, 04/18/2015 - 13:12
Ալեք Մանուկյանը՝ դելտա-ծորակի հեղինակը, ամերիկյան երազանքի մարմնացումն է։ Նա Միացյալ Նահանգներ է ժամանել որպես աղքատ գաղթական և իր ջանասիրության ու նվիրումի արդյունքում հասել է հեքիաթային հաջողությունների։
Ծագումը
Ծնվել է 1901 թ. Օսմանյան կայսրության Զմյուռնիա քաղաքում (ներկայիս Իզմիր)։ Հայոց ցեղասպանությունից փրկվելով՝ իբրեւ փախստական ներգաղթել է Միացյալ Նահանգներ։
Submitted by A.Yeghiazaryan on Thu, 03/26/2015 - 10:08
Ֆրանսիայի ամենասիրված երգիչների շարքում Շառլ Ազնավուրը հայտնի է իբրև ֆրանսիացիների Ֆրենկ Սինատրա։ Նրան հայտնագործել է ոչ այլ ոք, քան ինքը Էդիտ Պիաֆը, ով այնքան էր տպավորվել նրա ձայնից, որ տարավ նրան իր հետ շրջագայության։
Ծագումը
Ազնավուրը ծնվել է Փարիզում (Ֆրանսիա)։ Ծնողները ծագում են Ջավախքից (ներկայիս Վրաստանում) և Զմյուռնիայից (ներկայիս Թուրքիայում)։
